الام هي اجمل شئ خلقه الله , وهذه الام في الماضي كانت بنت وكان لها ام وامها كانت في الماضي بنت وهكذاولقد وصى الله تعالى الانسان على والديه
قال تعالى
(ووصينا الإنسان بوالديه احسانا حملته امه)
(واعبدوا الله و لا تشركوا به شيئا و بالوالدين احسانا)
ورسول الله
جاء رجل الى النبى صلى الله عليه و آله فقال: يا رسول الله، من ابر؟ قال: امك. قال ثم من؟ قال: امك. قال: ثم من؟ قال: امك. قال: ثم من؟ قال: اباك» و اتاه رجل آخر و قال: «اني رجل شاب نشيط، و احب الجهاد، ولي والدة تكره ذلك. فقال له النبي-صلى الله عليه و آله- ارجع فكن مع والدتك، فو الذى بعثنى بالحق! لانسها بك ليلة خير من جهاد في سبيل الله سنة
والكلام عن الام لا ينتهي
وببساطة
الام لازم نشيلها جوة عنينيا
حتى لو ( عصبية - بتهزقنا - بتشتمنا - بتزلنا ..... الخ )
ولو كانت الام
(حنينة - طيبة - رحيمة.....الخ)
يبقى ما (نسوقش فيها) يعني لا نستغل هذه الطيبة في التأثير على الام واخذ مايحلو لنا غصبا منها
وعلينا....
نسمع كلامها
نحبها
نطيعها
لا نرهقها بطلباتنا
مثل حي..
في حوار ابن مع امه على (قد حالها ) يعني فقيرة وهذا الحوار يتكرر بالفاظ اخرى
ماما انا عايز لبس وعايز لحمة وعايز وعايز...؟
رد الأم:يا ابني وانا ح اجيب منين م لبسك القديم موجود وبعدين الشهر الجاي اجيبلك لحمة
الابن: اف بقى دي حاجة تزهق......
وهذا ما نهى عنه الله تعالى
وقضى ربك الا تعبدوا الا اياه وبالوالدين احساناً، اما يبلغن عندك الكبر احدهما او كلاهما فلا تقل لهما اف ولا تنهرهما، وقل لهما قولاً كريماً واخفض لهما جناح الذل من الرحمة وقل رب ارحمهما كما ربياني صغيراًبس احنا نعمل اللي قال عليه ربنا ورسوله ونضمن الجنة
وفي حديث لرسول الله فيما معناه (خاب وخسر من ادرك والديه ولم يدخلاه الجنة)
واهداء من موقع باقة امل
نشيد لست الكل (الام الغالية)
وهذا النشيد اهداء لكل ام مسلمة
"ست الكل في عينينا"
في كل مكان في الدنيا
عاملين للام يوم
ورسول الله وصى نا
عليها في كل يوم
دة قال امك ثم امك ثم امك
3 مرات
وقال الجنة حتبقى تحت
اقدام الامهات
واحنا بنقلدهم
وبس بنفتكرها
يوم واحنا غيرهم
وليه بننسى خيرها
طب هما مش مسلمين
ولا دينهم نفس الدين
طب ليه بنقلدهم
يقولوا حاجة ونقول آمين
دة قال أمك ثم امك ثم امك
3 مرات
وقال الجنة حتبقى تحت
اقدام الامهات
واحنا لسه لينا فرصة بين ايدينا
طول ما الام عايشة ولسه قدام عينينا
يبقى نطيعها نريحها من اي هموم
ونسمع كل اللي تقوله في كل يوم
ونخليها تدعيلنا...ونخليها تحضن نا
دي هي الامان...وبحر الحنان
وهي ست الكل في عينينا
والنشيد الثاني "ياروحي ياعمري يا أمي"
ضميت...كل الدنيا في ايديا
لما شوفتك بعينيا
يا أمي
وماليش...غيرك في الدينا ديا
يحضني ويخاف عليا
يا امي
واحشاني يا احلى الناس في عينيا
حتى وانتي ماسكة ايديا
بتتمنى اعيش طول عمري في حضنك
يا امي
ايه احلى...من احساس احضانك
ولما بحس بقلبي حنانك
بتمنى اعيش طول عمري جنبك
يا امي
ياست الكل ونور القلب وكل حاجة في الحياه
ربي يخليكي ليا ويحمكي ويبارك فيكي وياه
دة مافيش احساس يوصف احساسي اللي انا حاسه
ولا حتى كلام يوصفلك حبي اللي حاسه
يا روحي ياعمري يا امي
كل ثانية وانتي طيبة يا امي
السبت مارس 17, 2007 2:38 am